Букмекеры невысока ацэньваюць шанцы Алены Ланской на перамогу ў Еўрабачанні
Як сведчыць аналіз ставак такіх кантор, як WilliamHill, "Марафон", Bet-at-home, Беларусь не ўваходзіць у дзясятку лідараў конкурсу.
У цэлым усе тры букмекерскія канторы сёлета ставяць на перамогу ў "Еўрабачанні" ўдзельніцы з Даніі, другое месца — у Нарвегіі, трэцяе — ва Украіны.
Кампанія WilliamHill прымае стаўкі на перамогу Беларусі ў фінале конкурсу з каэфіцыентам 126, Даніі — 1,61, Нарвегіі — 6, Украіны — 11, паведамляе БелаПАН. Адзначым: чым вышэй каэфіцыент стаўкі на таго ці іншага ўдзельніка, тым менш букмекеры разлічваюць на яго перамогу. Так, "Марафон" прымае стаўкі на перамогу Беларусі з каэфіцыентам 251, Bet-at-home — 100.
Нагадаем, што фінал міжнароднага конкурсу песні "Еўрабачанне-2013" пройдзе сёння ў швецкім Мальмё. Алена Ланская выступіць на ім пад нумарам восем.
Жывую трансляцыю фіналу конкурсу а 22-й пачнуць тэлеканал "Беларусь 1" і міжнародны спадарожнікавы тэлеканал "Беларусь 24".
Былыя ўдзельнікі “Еўрабачання” распавялі, чаму Ланская трапіла ў фінал
Фота — kp.by