БТ зняла з эфіру праграму скандальнага прапагандыста Яўгена Новікава
Пра гэта сам тэлевядоўца паведаміў у сваім відэаблогу на расійскім неанацысцкім сайце kramola.ru.
Перадача "Правы чалавека: погляд у свет" знятая з эфіру з 27 кастрычніка. Асноўнай прычынай Новікаў назваў сваю прынцыповую пазіцыю па сітуацыі ва Украіне. Там, па яго словах, галаву падняў неанацызм і бандэраўцы.
Новікаў заявіў, што намераны надалей весці відэаблог на "Крамоле".
Як нагадвае nn.by, у сярэдзіне кастрычніка Нацыянальная рада па пытаннях тэлебачання і радыёвяшчання Украіны заявіла, што можа забараніць вяшчанне на тэрыторыю Украіны тэлеканала "Беларусь-24". У Нацрадзе заявілі, што маніторынг выявіў у перадачы "Правы чалавека" антыўкраінскую прапаганду.
