Вы тут

Брэсцкія школьнікі трапілі ў ДТЗ па дарозе ў "Зубраня"

Фота: dzerginsk.by

Група школьнікаў з Брэсцкай вобласці зранку 10 студзеня трапіла ў аўтааварыю па дарозе ў піянерскі летнік "Зубраня". Пра падрабязнасці ДТЗ агенцтву БЕЛТА распавёў начальнік упраўлення адукацыі аблвыканкама Юрый Прасмыцкі.

Аварыя здарылася на трасе Брэст-Мінск каля Стоўбцаў. У маршрутцы ехалі школьнікі 6-га, 8-га, 9-га і 10-га класаў з горада Іванава. Разам з імі ехала 33-гадовая настаўніца.

Пры ДТЗ дзеці атрымалі нязначныя траўмы ў выглядзе ўдараў. Як зазначылі медыкі, іх жыццю нічога не пагражае.

Настаўніцу давялося шпіталізаваць у лякарню Стоўбцаў на абследаванне. Медыкі падазраюць у яе пералом і вывіх сцягна.

Прычыны аварыі ўдакладняюцца.

Новости других медиа
Загрузка...
Загрузка...

Галоўнае

Выбар рэдакцыі