Брэсцкія ратавальнікі адгаварылі мужчыну скокаць з дзявятага паверха
Супрацоўнікі МНС у Брэсце адгаварылі мужчыну скокаць з дзявятага паверха, Здарэнне адбылося 19 красавіка, інфармуе БЕЛТА.
Каля 15-й гадзіны ратавальнікам паведамілі, што на дзявятым паверсе будынка па вуліцы Янкі Купалы знаходзіцца чалавек. Мужчына сядзеў на брыльку і планаваў самагубства.
Тры ратавальнікі падняліся на верхні паверх жылога дома і пачалі размову з мужчынам. Выявілася, што гэта 41-гадовы брастаўчанін, які жыве ў суседнім доме. Гутарка з ім доўжылася паўгадзіны.
У выніку ратавальнікі здолелі адгаварыць мужчыну ад непапраўнага рашэння.
