Беларускія дэсантнікі паляцелі ў Краснадарскі край Расіі
Гэта — каля 20 вайскоўцаў аднаго з падраздзяленняў 38-й гвардзейскай асобнай мабільнай брыгады.
Вайсковы кантынгент беларускіх сілаў спецыяльных аперацый прыме ўдзел у батальённым тактычным вучэнні паветрана-дэсантных войск Узброеных Сіл Расіі. Яно пройдзе 2-5 верасня на палігоне каля Наварасійска.
Як паведамляе БЕЛТА, брэсцкім дэсантнікам сумесна з расійскімі калегамі давядзецца адпрацаваць пытанні падрыхтоўкі абароны і вядзення абарончага боя ў розных умовах на незнаёмай мясцовасці. Таксама адбудзецца дэсантаванне з самалётаў ваенна-транспартнай авіяцыі і арганізацыя ўзаемадзеяння з франтавой авіяцыяй.
Падчас вучэнняў будуць выкарыстаныя новыя спосабы кіравання войскамі з выкарыстаннем комлекса АСУ "Андрамеда-Д".
Фота — ria.ru
