Беларуская авіяцыя заступіла на баявое дзяжурства пад Лунінцом?
Гелікоптэры МІ-8 і знішчальнікі МІГ-29 прызямліліся на аэрадром у гэтым раённым цэнтры на Палессі, каля мяжы з Украінай.
Як паведамляе інтэрнэт-партал “Медыя-Палессе”, МІГі беларускія, укамплектаваныя неабходнымі баявымі ракетамі — месца іх пастаяннай дыслакацыі — авіябазы ў Пружанах і Баранавічах. Акрамя таго ў Лунінец прыбыла вялікая група забеспячэння палётаў, вайсковыя лётчыкі і тэхнікі.
Паводле ананімнай крыніцы партала, гэта не вучэнні, а з 15 сакавіка пачнецца сапраўднае баявое дзяжурства.
Здымкі з архіву. Фота — bymedia.net, media-polesye.by