Беларуска выйграла марафон у Польшчы
На чатырнаццатым познаньскім марафоне імя Мацея Франкевіча перамогу святкавала беларуска Марына Даманцэвіч.
Для перамогі беларусцы давялося пераадолець дыстанцыю ў 42 кіламетры і 195 метраў з вынікам 2 гадзіны 36 хвілін 2 секунды. Яна ж святкавала перамогу на марафоне і тры гады таму. Другой на фінішы аказалася яшчэ адна беларуска — Вольга Рэская.
У якасці ўзнагароды пераможца атрымала 10 тысяч злотых (трохі больш за 3 тысячы долараў), паведамляюць мясцовыя СМІ.
Нагадаем, нядаўна марафон у Польшчы выйграла яшчэ адна беларуска — Настасся Дашкевіч (беларуская лёгкаатлетка, не блытаць з апазіцыйнай дзеячкай Настай Дашкевіч).
Фота — wp.pl
