БАТЭ вырваў перамогу ў "Нафтана"

У суботу матчам БАТЭ — "Нафтан" распачаўся 24 тур чэмпіянату Беларусі па футболе ў вышэйшай лізе. Барысаўчане перамаглі з лікам 1:0. Адзіны гол ужо ў дададзены арбітрам час забіў Максім Скавыш.
Астатнія пяць матчаў тура пройдуць у нядзелю: "Дынама" (Мінск) — "Белшына", "Тарпеда" — "Шахцёр", "Дняпро" — "Мінск", "Дынама" (Брэст) — "Віцебск", "Нёман" — "Партызан".

У турнірнай табліцы лідыруе барысаўскі БАТЭ, у якога 54 ачкі. У "Мінска" 48 ачкоў, у "Шахцёра" — 42.