Баразенка: Чакаем, якое рашэнне прымуць міліцыянеры
Аляксандра Баразенку і яшчэ дваіх незалежных журналістаў затрымалі сёння ў Мінску каля суда Цэнтральнага раёна.
Здарылася гэта перад пачаткам суда над вядомым грамадскім актывістам Юрыем Рубцовым.
Як распавёў Еўрарадыё Аляксандр Баразенка, затрыманне праводзілі супрацоўнікі ў цывільным. Разам з ім схапілі журналістаў Наталлю Валакіду і Сяргея Сацюка-Грабоўскага.
Аляксандр Баразенка: “Зараз мы у Ленінскім РАУСе. Нас забралі ля суда Цэнтральнага раёна Мінска. Тут зараз тры журналісты і актывіст Ілля Дабратвор”.
Цяпер затрыманыя чакаюць, якое рашэнне прымуць міліцыянеры.
Фота з Facebook Аляксандра Баразенкі.
