Бацькоў папярэджваюць пра ўзмацненне адказнасці за ўдзел іх дзяцей у пратэстах
Генпракуратура Беларусі абрэагавала на заклік Аляксандра Лукашэнкі да актывізацыі дзейнасці.
Генпракуратура Беларусі адрэагавала на заклік Аляксандра Лукашэнкі да актывізацыі дзейнасці. Бацькоў ужо папярэджваюць пра ўзмацненне адказнасці за ўдзел іх дзяцей у пратэстах. 11 верасня ў заявай выступіў намеснік генпракурора Аляксей Стук. Паводле яго слоў, ёсць больш за 200 зафіксаваных выпадкаў удзелу дзяцей у "масавых беспарадках".
"Прызнана недастатковай дзейнасць кампетэнтных органаў па прыцягненні да адказнасці бацькоў за ўцягванне і ўдзел іх дзяцей, асабліва малалетніх, у масавых беспарадках", — кажа Стук.
Раней пра адказнасць бацькоў за ўдзел іх дзяцей у несанкцыянаваных вулічных акцыях гаварыў намеснік прэм'ера Ігар Петрышэнка.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.