Аўстралія, магчыма, знайшла абломкі зніклага "Боінга"
Спадарожнікі краіны выявілі аб'екты, якія могуць быць абломкамі зніклага 8 сакавіка самалёта авіякампаніі Malaysia Airways.
Прэм'ер-міністр Аўстраліі Тоні Эбат заявіў, што ў раён гэтых аб'ектаў накіраваны самалёт, перадае ВВС.
Аўстралія ўзначальвае пошукі "Боінга" ў паўднёвым рэгіёне — ад узбярэжжа Інданэзіі да захаду кантынента.
Раней паведамлялася, што вывучаць інфармацыю на камп'ютары авіятрэнажора, канфіскаванага пры ператрусе дома камандзіра зніклага лайнера, уладам Малайзіі дапаможа ФБР. Мяркуецца, што пілот выдаліў некаторыя файлы з памяці камп'ютара, якія, верагодна, маглі б дапамагчы ў расследаванні.
Да пошуку авіялайнера, на борце якога было 239 пасажыраў, падключыліся ўжо 26 краін.
Фота — vesti.ru
