Апостальскі нунцый: Вызваленне палітвязняў не звязанае з візітам Лукашэнкі ў Ватыкан
![Апостальскі нунцый: Вызваленне палітвязняў не звязанае з візітам Лукашэнкі ў Ватыкан](/sites/default/files/styles/gallery_main/public/2023-08/gugerotti.jpeg.webp?itok=4DC-eBSp)
Вызваленне беларускіх палітвязняў і магчымы візіт Аляксандра Лукашэнкі ў Ватыкан — не звязаныя паміж сабой рэчы. Пра гэта заявіў БелаПАН апостальскі нунцый Клаўдыё Гуджэроці. Пры гэтым ён заявіў, што Папа рымскі прымаў асабісты ўдзел у гэтым працэсе.
Па словах Гуджэроці, вызваленне палітвязняў паспрыяла паляпшэнню міжнародных адносінаў, а таксама ўмацаванню міру і гармоніі ўнутры краіны. “Я рады, што беларускае грамадства ацаніла гэтыя дзеянні папы”, — адзначыў прадстаўнік Святога прастола.
Што да магчымага візіту Лукашэнкі з Ватыкан у верасні 2015 года, то хутчэй за ўсё ён не адбудзецца. У практыцы Святога прастола не прынятыя аўдыенцыі ў папы палітычных лідараў напярэдадні выбараў у іх краінах. Дый сам Лукашэнка не звяртаўся з просьбай аб аўдыенцыі, “каб нікога не ставіць у недарэчнае становішча”.
Пра гатоўнасць Ватыкана прыняць беларускага кіраўніка заяўляў кардынал П’етра Паралін падчас візіту ў Мінск у сакавіку гэтага года.