АМАП затрымаў мінчука, які скакаў праз Вечны агонь на плошчы Перамогі
Малады чалавек патлумачыў, што вырашыў такім чынам сагрэцца.
Супрацоўнікі мінскага АМАПа каля восьмай гадзіны вечара 5 красавіка затрымалі на плошчы Перамогі маладога чалавека. Як паведамляе сайт мінскай гарадской міліцыі, юнак без верхняй вопраткі скакаў праз Вечны агонь каля манумента Перамогі.
Парушальніка затрымалі і даставілі ў Партызанскі РУУС. Там высветлілася, што 26-гадовы хлопец нідзе не працуе. Раней яго ўжо неаднаразова прыцягвалі да адміністрацыйнай адказнасці за распіццё спіртных напояў і хуліганства.
Сам затрыманы патлумачыў, што замёрз і такім чынам вырашыў сагрэцца. На яго склалі пратакол за хуліганства. Цяпер ідзе праверка, ці ўжываў ён наркотыкі.
Фота — 5min.by