Алімпіяда: 14 лютага беларусы выступяць у чатырох спаборніцтвах
Мужчыны выступяць у спаборніцтвах па горных лыжах (суперкамбінацыя) і лыжных гонках (15 км класічным стылем).
Прычым у горных лыжах нашу краіну будзе прадстаўляць толькі адзін спартовец — Юрый Данілачкін. А вось у лыжных гонках два — Міхаіл Сямёнаў і Аляксандр Лазуткін.
У жанчын будзе біятлон (індывідуальная гонка, 15 км) і фрыстайл. На дыстанцыю індывідуальнай гонкі выйдуць чатыры беларускія біятланісткі — Дар'я Домрачава, Надзея Скардзіна, Людміла Калінчык і Надзея Пісарава. У лыжнай акрабатыцы Ала Цупер і Ганна Гуськова пазмагаюцца за выхад у фінал.
Дарэчы, пасля шасці дзён спаборніцтваў Беларусь з адным залатым медалём апусцілася з 10-га на 14-е месца ў медальным заліку Алімпіяды. Наша краіна дзеліць яго са Славакіяй.
Фота — БЕЛТА
