Адміністрацыю прэзідэнта скароцяць да 108 чалавек
Адміністрацыю прэзідэнта Беларусі плануецца скараціць на 30%. Пра гэта распавяла журналістам кіраўнік Адміністрацыі Наталля Качанава пасля нарады ў кіраўніка дзяржавы.
"Будзе скарочана каля 30% дзяржаўных службоўцаў, якія працуюць у Адміністрацыі прэзідэнта. Структура Адміністрацыі невялікая — гэта 108 дзяржслужбоўцаў у той новай штатнай колькасці, якую мы сёння прапанавалі", — цытуе БЕЛТА словы Качанавай.
Чыноўніца дадала, што скарачаць пасады плануецца ў першую чаргу за кошт тых, хто сыходзіць на пенсію. Іншым супрацоўнікам паспрабуюць дапамагчы ўладкавацца на працу ў арганізацыі ды ўстановы, дзе будзе патрэба ў адпаведных спецыялістах.
