Ад сёння ДАІ ўзмацніць кантроль за праходжаннем тэхагляду
ДАІ возьме на кантроль кіроўцаў аўтамабіляў з падробленымі адзнакамі аб праходжанні дзяржаўнага тэхагляду. Пра гэта паведамляе БЕЛТА са спасылкай на Мінскую абласную дзяржаўтаінспекцыю. У Беларусі з 11 да 20 лістапада пройдзе дэкада “Дзяржтэхагляд”, мэта якой — прафілактычная праца з аўтамабілістамі. Асноўнай задачай праваахоўнікаў стане выяўленне аўтамабіляў, на якіх стаяць падробленыя адзнакі пра тэхагляд.
Асаблівую ўвагу звернуць на транспартныя сродкі юрыдычных асобаў і ІП, якія займаюцца перавозкай пасажыраў у аўтобусах і таксоўках. Дадаткова правядуць тлумачальныя размовы з кіроўцамі пра абавязковае выкарыстанне зімовых шынаў з 1 снежня 2015 года.
Фота: TUT.by
