6 снежня ў Беларусі курс долара знізіўся, курс еўра вырас
У аўторак, 6 снежня, на Беларускай валютна-фондавай біржы прайшлі чарговыя таргі. Па іх выніках Нацбанк вызначыў новыя курсы валют. Курс долара ЗША знізіўся — з 1,9706 да 1,9696 беларускага рубля, курс еўра вырас — з 2,0897 да 2,1197. Курс расійскага рубля сёння знізіўся, за 100 расійскіх рублёў цяпер даюць 3,0833 беларускага рубля (у панядзелак — 3,0843).
Беларускі рубель аслабеў да кошыка валют на 0,28%.
Як паведамляла Еўрарадыё, у панядзелак, 5 снежня, курс долара ЗША вырас — з 1,9703 да 1,9706 беларускага рубля, курс еўра знізіўся — з 2,1019 да 2,0897.
