6 снежня Лукашэнка паляціць у Сочы на сустрэчу з Пуціным

6 снежня Аляксандр Лукашэнка ляціць у Сочы на сустрэчу з кіраўніком Расіі Уладзімірам Пуціным. 

Пра гэта ў Твітары напісаў галоўны рэдактар "Эха Москвы" Аляксей Венядзіктаў. На 6 снежня ў Венядзіктава было запланаванае інтэрв'ю з кіраўніком Беларусі. 

"Аляксандр Лукашэнка ссунуў наша інтэрв'ю. 6 снежня (у прызначаны дзень) прэзідэнт Беларусі ляціць у Сочы. Пуцін замест Венядзіктава", — напісаў маскоўскі журналіст. 

Дарэчы, 5 снежня Лукашэнка выступае перад дэпутатамі Палаты прадстаўнікоў шостага і сёмага скліканняў. 

А на 8 снежня ў кіраўнікоў Беларусі і Расіі была запланаваная сустрэча з падпісаннем "дарожных мапаў" па інтэграцыі дзвюх дзяржаваў. 

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.