30 чэрвеня Лукашэнка сустрэнецца з Пуціным у Крамлі
30 чэрвеня ў Маскве адбудзецца пасяджэнне Вышэйшага Дзяржаўнага савета Саюзнай дзяржавы. У ім прымуць удзел кіраўнікі Беларусі і Расіі, паведамляе прэс-служба Крамля.
Мяркуецца, што на пасяджэнні будуць падведзеныя вынікі гандлёва-эканамічнага супрацоўніцтва дзвюх краін у 2016 годзе. Таксама ў парадку дня значацца абмеркаванне перспектыў узаемадзеяння ў машынабудаўнічым і аграпрамысловым комплексах і пытанні, звязаныя з забеспячэннем бягучай дзейнасці органаў Саюзнай дзяржавы.
АКрамя таго, Уладзімір Пуцін і Аляксандр Лукашэнка правядуць асобную сустрэчу, на якой абмяркуюць двухбаковыя адносіны і актуальныя міжнародныя праблемы.
Перад пасяджэннем кіраўнікі абедзвюх дзяржаваў прымуць удзел у працы чацвёртага форуму рэгіёнаў Расіі і Беларусі.
