16 студзеня курс долара вырас на 268 рублёў — да 20132, еўра — амаль да 22 тысяч
У суботу, 16 студзеня, на Беларускай валютна-фондавай біржы прайшлі чарговыя таргі. Па іх выніках Нацбанк вызначыў новыя курсы валют. Курс долара вырас на 268 рублёў — да 20132, курс еўра вырас на 377 — да 21986 рублёў, курс расійскага рубля знізіўся — з 259,75 да 258,97 беларускага.
Беларускі рубель аслабеў да кошыка валют на 0,80%.
Як паведамляла Еўрарадыё, у пятніцу, 15 студзеня, долар вырас на 350 рублёў — да 19 864, еўра вырас на 412 рублёў — да 21 609, курс расійскага рубля павялічыўся з 254,58 да 259,75 беларускага.