1 студзеня мінімалка ў Беларусі вырасла на 15%
1 студзеня 2011 года мінімальная заработная плата у Беларусі павялічылася на 15% і склала 460 тысяч рублёў.
Гэта прадугледжана пастановай Савета міністраў, перадае БелаПАН.
Пастанова таксама вызначае пагадзінную мінімальную зарплату ў памеры 2.710 рублёў.
Апошнім разам мінімалка павялічвалася 1 лістапада 2010 года — да 400 тысяч рублёў, пагадзінная — да 2.360.
"Павелічэнне мінімальнай заработнай платы спрыяе ўзмацненню сацыяльнай абароненасці катэгорый работнікаў, якія атрымліваюць нізкую аплату, усіх арганізацый галін эканомікі незалежна ад формы ўласнасці", — гаворыцца ў паведамленні прэс-службы ўрада.