Жанчына на Audi збіла двух ласёў, адзін з іх заляцеў у салон (фота)

44-гадовая жанчына на Audi збіла двух ласёў, адзін з іх заляцеў у салон. Здарэнне адбылося на 136-м кіламетры аўтадарогі М-1 у Івацэвіцкім раёне каля 18:44 у чацвер, 6 снежня. Вядома, што жыхарка Баранавіцкага раёна ехала ў бок Мінска. З траўмамі яе шпіталізавалі ў рэанімацыю Івацэвіцкай цэнтральнай раённай бальніцы. Праводзіцца праверка, інфармуе прэс-служба ДАІ Брэсцкай вобласці.