У іспанскім аэрапорце ў 18-гадовага беларуса забралі 99 тысяч еўра
![У іспанскім аэрапорце ў 18-гадовага беларуса забралі 99 тысяч еўра](/sites/default/files/styles/gallery_main/public/2023-08/992342853fotolia715.jpg.webp?itok=n_ZSUiLG)
У іспанскім аэрапорце ў 18-гадовага беларуса забралі 99 тысяч еўра. Валюта не была задэклараваная, яе паходжанне будзе высвятляцца.
Як піша сайт amp.diarioinformacion.com, здарэнне адбылося ў ліпені ў горадзе Алікантэ. Малады чалавек збіраўся паляцець з Іспаніі ў Расію. Аднак перад пасадкай у самалёт на Маскву ў яго праверылі асабістыя рэчы і знайшлі 100 тысяч еўра. Тысячу беларусу пакінулі, астатнія грошы забралі.