У фінале турніру ў Рыме Сабаленка сустрэнецца са Свёнтак
Іга Свёнтак і Арына Сабаленка / x.com/WTA
У суботу ў фінале турніру ў Рыме Арына Сабаленка сустрэнецца з Ігай Свёнтак, першай ракеткай свету. У паўфінале беларуска прайшла амерыканку Даніэль Колінз (15-ю ў сусветным рэйтынгу, менавіта яна ў чвэрцьфінале спыніла Вікторыю Азаранка) — 7:5, 6:2, а полька — амерыканку Коры Гаўф (3) — 6:4, 6:3.
У пачатку траўня Сабаленка і Свёнтак змагаліся за перамогу ў Мадрыдзе, і тады перамагла першая ракетка свету.
Па выніках турніру ў Італіі Арына Сабаленка застанецца другой ракеткай свету.
