Зюганаў заклікаў расіянаў браць прыклад з кітайцаў і беларусаў

Выступаючы на міжнароднай сустрэчы камуністычных і працоўных партый у Мінску, Генадзь Зюганаў назваў Расію “як ніколі слабай”.

Лідэр расійскіх камуністаў убачыў выхад з тупіка — гэта ідэі Кастрычніка. У сувязі з гэтым, ён нагадаў пра поспехі Кітая і “брацкай” Беларусі.

"Непакорная маленькая Беларусь, мілая і добрая, агромісты Кітай — іх аб’ядноўвае агульная ўлада народа ў інтарэсах народа, а не капітала.

Паводле яго слоў, “поспех сацыяльна-эканамічнай мадэлі Беларусі з’яўляецца прыгаворам сённяшняму расійскаму рэжыму”.

“Інтэрфакс”