Журналісту і гульцу "Крумкачоў" Аляксандру Івуліну выстаўлена абвінавачванне

Івулін ужо больш за месяц за кратамі. Спачатку ён адбываў 30 сутак адміністрацыйнага арышту нібыта за БЧБ-сцяг у акне (ён сваёй віны не прызнаў). Аднак на волю пасля заканчэння тэрміну не выйшаў. Стала вядома, што Івулін ужо падазраваны па крымінальным артыкуле.

Праваабарончая супольнасць прызнала Аляксандра Івуліна палітвязнем.

Івулін — аўтар праекта "ЧестнОК" на YouTube. Сёлета ён паспрабаваў сябе як футбаліст у складзе футбольнага клуба першай лігі беларускага чэмпіянату "Крумкачы" і незадоўга да арышту забіў свой першы гол.