“Жэстачайшая лібералізацыя” ў дзеянні – затрыманні за бел-чырвона-белы сцяг

Яшчэ год таму падчас паўмарафону ў Мінску ўдзельнікі забегу маглі спакойна на фінішы ўзнімаць бел-чырвона-белы сцяг. А сёлета за такое ж дзеянне бягун Уладзімір Сташкевіч апынуўся ў РУУС. Такая ж сітуацыя і на трыбунах падчас футбольных матчаў: летась нікога за нацыянальны сцяг не затрымлівалі, але раптам сітуацыя змянілася.

Чаму так рэзка змянілася стаўленне міліцыянераў да нацыянальнага сцягу ў руках удзельнікаў спартыўных мерапрыемстваў і фанатаў? Ці можна казаць, што лібералізацыя скончылася? Ці можна паўплываць на дзеянні праваахоўнікаў?

На гэтыя ды іншыя пытанні ў жывым эфіры Еўрарадыё адказваюць грамадскі актывіст Уладзімір Сташкевіч і кіраўнік symbal.by Павел Белавус.