"Забыў, калі апошні раз бачыў такі бардак!" — міністр лясной гаспадаркі

Міністр лясной гаспадаркі Беларусі Аляксандр Кулік наведаў прадпрыемствы Жыткавіцкага раёна Гомельскай вобласці. "Забыў, калі апошні раз бачыў такі бардак!" — цытуе словы міністра яго прэс-служба. На адным з прадпрыемстваў, якое адносіцца да "Беллесэкспарту", Кулік пабачыў "горы смецця і захламленасці". Ён запатрабаваў усё прыбраць да 9 траўня. На дапамогу з Мінска дашлюць спецыялістаў  "Беллесэкспарту".

"Мужыкі, так справа не пойдзе. Няўжо вы не бачыце, у якіх умовах працуюць вашы людзі?", — гаварыў міністр мясцовым кіраўнікам пасля таго, як зазірнуў у цэх і бытоўкі для рабочых.

Аляксандр Кулік быў прызначаны міністрам лясной гаспадаркі летам мінулага года.