З украінскіх партоў выйшлі яшчэ тры караблі з кукурузай
Яшчэ тры караблі з кукурузай пакінулі сёння ўкраінскія парты і рухаюцца ў бок марскога гуманітарнага калідору, перадае Бі-Бі-Сі.
Сухагруз Navistar выйшаў з порта Адэсы, а караблі Rojen і Polarnet — з суседняга Чарнаморска. Агулам яны перавозяць 58 тысяч тон кукурузы.
Усе тры караблі адпраўляюцца ў бок Стамбула па марскім гуманітарным калідоры. Потым зерне адправяць у Турцыю, Вялікабрытанію ды Ірландыю.
