Вы тут

З галоўнай ялінкі Віцебска прыбралі пяціканцовую чырвоную зорку

Ялінка ў Віцебску сёлета будзе без чырвонай зоркі / Сяргей Серабро, vitebsk.cc

У Віцебску з галоўнай ялінкі горада на плошчы Перамогі знікла чырвоная пяціканцовая зорка, піша рэгіянальны сайт "Народныя навіны Віцебска". Замест яе з'явілася наверша ў выглядзе ажурнай васьміканцовай зоркі, якая нагадвае сняжынку ці ружу вятроў.

Прычына такой замены невядомая. Не выключана, што старая зорка проста прыйшла ў непрыдатны стан.

Чырвонымі зоркамі ялінкі ўпрыгожвалі ў СССР — верагодна, гэта сімвалізавалі рубінавыя зоркі Маскоўскага Крамля, пастаўленыя ў канцы 1937 года. Традыцыя ўпрыгожваць ялінкі такой зоркай захавалася ў Беларусі і дагэтуль. 

У студзені 2010 года віцяблянін Сяргей Каваленка залез на 35-метровую ялінку і і ўзняў над савецкай чырвонай зоркай бел-чырвона-белы сцяг незалежнай Беларусі.

Ялінка ў Віцебску сёлета будзе без чырвонай зоркі / Сяргей Серабро, vitebsk.cc

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.