Вынікі абстрэлу Харкава: загінулі сем чалавек

Увечары 3 красавіка расійскія войскі абстралялі Харкаў. Стральба вялася па жылых дамах у Слабадскім раёне горада. Пры гэтым загінулі сем чалавек, а 34 былі параненыя, у тым ліку трое дзяцей, піша Офіс генпракурора Украіны.

Пры абстрэле былі пашкоджаныя каля 10 дамоў, а таксама тралейбуснае дэпо. Пракуратура пачала дасудовае расследаванне па факце парушэння законаў і звычаяў вайны, спалучанае з наўмысным забойствам.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.