Украінскія сілавікі абяцаюць да суботы цалкам закрыць мяжу з Расіяй
Пра гэта заявіў памочнік міністра ўнутраных спраў Украіны Антон Герашчанка.
"Гэтай ноччу Узброеныя сілы пры падтрымцы Нацыянальнай гвардыі здзейснілі марш з поўдня на поўнач і з поўначы на поўдзень для таго, каб прыкрыць тую частку мяжы, якая заставалася непрыкрытай пасля масіраваных нападаў тэрарыстаў", — перадае "Украінская праўда" словы Герашчанкі.
Ён адзначыў, што ўсе дарогі будуць прастрэльвацца бранетэхнікай, каб спыніць баевікоў, калі тыя паспрабуюць трапіць ва Украіну.
Фота — УНІАН
