У РФ затрыманы беларус, які даваў $30 тысяч за грузавік з кантрабандай цыгарэт

У Смаленску затрымалі 40-гадовага грамадзяніна Беларусі. Яго падазраюць у перадачы грошай супрацоўніку паліцыі ў Смаленску, распачата крымінальная справа (хабар у асабліва буйным памеры). За 30 тысяч долараў ён хацеў вярнуць грузавік з кантрабанднымі цыгарэтамі беларускай вытворчасці і дамовіцца аб неправядзенні даследчай праверкі па факце яго затрымання, паведамляе ТАСС.

Аўтамабіль знаходзіцца на тэрыторыі паркоўкі каля аддзела паліцыі. Там у службовай машыне паліцыі і адбылася перадача грошай.

Кантрабанда цыгарэт з Беларусі па-ранейшаму не спыняецца. Грузавікі рэгулярна затрымліваюць у Расіі.