У Расіі знайшлі кантрабандныя цыгарэты з Беларусі ў кантэйнеры з люстэркамі

У Расіі знайшлі больш за 5 тон кантрабандных цыгарэт з Беларусі ў кантэйнеры з люстэркамі. Фірма, зарэгістраваная ў Санкт-Пецярбургу, збіралася іх адправіць у Польшчу. Аднак Балтыйская мытня своечасова груз адсканавала, узяла "пад падазрэнне" і спыніла. У кантэйнеры былі больш за 312 тысяч пачкаў цыгарэт ("Minsk", "Queen" і "NZ") на суму больш за 230 тысяч долараў.