У пятніцу ў Жодзіне стартаваў 18-ы тур чэмпіянату Беларусі па футболе

У пятніцу ў Жодзіне стартаваў 18-ы тур чэмпіянату Беларусі па футболе ў вышэйшай лізе. У першым яго матчы "Тарпеда-БелАЗ" і "Мінск" згулялі ўнічыю 1:1.

У суботу згуляюць "Слуцк" і "Энергетык-БДУ", "Віцебск" і "Арсенал", "Гомель" і "Белшына". У нядзелю сустрэнуцца БАТЭ і "Днепр", мінскае "Дынама" і "Славія", "Шахцёр" і "Іслач", у панядзелак — брэсцкае "Дынама" і "Нёман".

Лідыруюць БАТЭ і "Шахцёр" — па 33 ачкі, але ў салігорцаў матч у запасе.