У пятнічны вечар мінчукі скардзяцца на праблемы з плацежнымі карткамі
Увечары 20 чэрвеня ў гандлёвых сетках і крамах Мінска былі зафіксаваныя перабоі ў ажыццяўленні аперацый па плацежных картках.
Сталічныя крамы не прымалі плацяжы па банкаўскіх плацежных картах альбо папярэджвалі аб магчымых праблемах з аперацыямі, перадае interfax.by. Пра непрацуючыя тэрміналы таксама паведамляюць жыхары Брэста.
Банкаўскі працэсінгавы цэнтр аб правядзенні планавых прафілактычных работ не паведамляў.
Фота — smartnews.ru
