У Нью-Ёрку прайшоў мітынг салідарнасці з беларускімі палітвязнямі
Бруклінскі аддзел Беларуска-амерыканскага задзіночання (БАЗА) правёў 28 траўня каля Генеральнага консульства Беларусі ў Нью-Ёрку мітынг салідарнасці з беларускімі палітвязнямі.
Паведамляецца, што з прамовай перад удзельнікамі выступіў Зянон Пазняк. Ён падкрэсліў, што "справа патрыётаў" з'яўляецца сфабрыкаванай, каб дагадзіць Маскве ды ізаляваць найбольш свядомых і здольных да супраціву грамадзян Беларусі.
