Вы тут

У НАТО заўважылі, што супраца Мінска і Масквы робіцца ўсё цясней

Саміт НАТО у Брусэлі / пресс-служба

НАТО занепакоена цеснай супрацай Мінска і Масквы, якая назірае ў апошнія месяцы, заявіў генсак альянсу Ёнс Столтэнберг у інтэрв'ю выданню Welt am Sonntag.

“НАТО - гэта абарончы звяз. <...> Але мы пільныя і вельмі ўважліва сочым за тым, што адбываецца ў Беларусі. У надзвычайнай сітуацыі мы, вядома, гатовы абараніць кожнага хаўрусніка ад кожнага выгляду пагроз, што зыходзяць з Мінска і Масквы”, — сказаў генсак у інтэрв'ю выданню.

Беларусь стане тэмай для абмеркавання на саміце НАТО ў Бруселі, у якім возьмуць удзел канцлер ФРГ Ангела Меркель і прэзідэнт ЗША Джо Байдэн. Саміт прызначаны на 14 чэрвеня.

НАТО абмежавала доступ для некаторых беларускіх дыпламатаў у сваю штаб-кватэру ў Бруселі. Гэта здарылася пасля інцыдэнту з пасадкай самалёта Rynair у Мінску. Дыпламаты па-ранейшаму змогуць наведаць штаб-кватэру НАТО, але толькі ў якасці наведнікаў і ў суправодзе супрацоўнікаў службы бяспекі.
 

Што яшчэ абмяркуюць у Бруселі?

Позва, якую абмяркуюць у Бруселі, клічацца “НАТО 2030”. Генсак адзначыў, што сярод тэм, якія абмяркуюць на саміце, будуць рост вайсковай моцы Кітая, нарастанне агрэсіі Расіі, новыя жорсткія формы міжнароднага тэрарызму, кібератакі і шыранне ядзернай зброі.

Генсак альянсу адзначыў таксама важнасць дыялогу — “асабліва ў цяжкія часы”.

“Мы павінны ўвесь час гаварыць з нашым суседам, Расіяй, пра кантроль над зброяй і іншыя ваенныя і палітычныя праблемы. Калі мы не будзем гаварыць адзін з адным, мы не зможам ні ўрэгуляваць нашы спрэчкі, ні палепшыць паразуменне”, - сказаў Столтэнберг.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.