Вы тут

У Мазыры асудзілі кіроўцу BMW, які катаў сяброўку на капоце і раздушыў яе

Фота з месца здарэння пад Мазыром / Следчы камітэт

У Мазыры асудзілі кіроўцу BMW, пад коламі якога ў ліпені загінула 36-гадовая жанчына, піша TUT.by.

Мужчыну прысудзілі 6 гадоў і 8 месяцаў калоніі агульнага рэжыму. Акрамя таго ён павінен выплаціць матэрыяльную шкоду на карысць дваіх непаўналетніх дзяцей загінулай — 25 тысяч рублёў кожнаму.

Як распавядала Еўрарадыё, трагедыя адбылася ўвечары 12 ліпеня ў вёсцы Скрыгалаў. Нецвярозы 29-гадовы мазырчук вырашыў пакатаць прыяцеляў на BMW X5. Адна з жанчын паехала на капоце. Мужчына не справіўся з кіраваннем, пасажырка звалілася пад колы машыны і загінула.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.