Вы тут

У Маскве затрымалі мужчыну з плакатам у падтрымку Пуціна

Адбылося гэта на першамайскім мітынгу партыі КПРФ.

У Маскве на першамайскім мітынгу партыі КПРФ затрымалі мужчыну з плакатам у падтрымку Пуціна і ФСБ. Пікетчык трымаў у руках двухбаковы плакат: на адным баку было напісана "Ухваляю дзейнасць дырэктара ФСБ РФ Бортнікава А. В.", на другім — "Палітыку У. У. Пуціна ўхваляю!".

Імя затрыманага пакуль не вядома.

Учора ў Санкт-Пецярбургу была затрыманая дзяўчына з плакатам “Мая маці сказала, што мяне не могуць затрымаць за гэтыя словы, таму што Расія – свабодная краіна, а У. У. Пуцін – самы годны прэзідэнт! Не вайне”.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.