У Маскве з-за пагрозы беспарадкаў сарваўся канцэрт беларускага антыфа-гурта
23 лістапада ў маскоўскім клубе Plan павінен быў адбыцца выступ гуртоў Mister X (Беларусь), What We Feel (Расія) і The Oppressed (Англія).
Аднак ён быў адменены. Як паведамляюць арганізатары канцэрта, “па тэхнічных прычынах”. Аднак, паводле інфармацыі “Ридуса”, калі высветлілася, што гэтыя калектывы вельмі папулярныя ў асяроддзі радыкальных антыфашыстаў, адміністрацыя клуба спалохалася масавых беспарадкаў і нападаў палітычных апанентаў.
Варта таксама адзначыць, што на працягу апошняга тыдня ў тэматычных суполках у сацсетках распаўсюджваліся заклікі да нападу на удзельнікаў канцэрта.
Месяцам раней канцэрт у Разані з удзелам беларускага гурта Mister X быў спынены наркапаліцэйскімі. Наркотыкаў тады паліцыянты не знайшлі, але прынеслі шмат непрыемнасцяў гасцям канцэрту і ўладальнікам клуба.
