У кожнай другой праверанай краме Гродна знайшлася "пратэрміноўка"

Пытанні ў эпідэміёлагаў былі і да кулінарыі / Ілюстрацыйнае фота pixabay.com
Пытанні ў эпідэміёлагаў былі і да кулінарыі / Ілюстрацыйнае фота pixabay.com

Гродзенскія эпідэміёлагі зладзілі рэйд па прадуктовых крамах і кропках грамадскага харчавання. Наведалі 43 аб'екты. У кожным выявілі якія-небудзь парушэнні. У кожным другім знайшлі пратэрмінаваныя прадукты.  Пра гэта паведамляе рэсурс "Гродна Плюс".

"Паводле вынікаў маніторынгу канфіскаваныя з абарачэння 470 кілаграм харчовай прадукцыі са скончаным тэрмінам прыдатнасці і без маркіроўкі", — расказала прадстаўніца Гродзенскага занальнага цэнтра гігіены і эпідэміялогіі Таццяна Хартановіч. Што тычыцца іншых парушэнняў, то гаворка ідзе пра парушэнне ўмоў захоўвання прадуктаў, у тым ліку тэмпературнага рэжыму. Былі пытанні да чысціні памяшканняў і абсталявання, а таксама да арганізацыі вытворчасці кулінарнай прадукцыі.

Крамам і кавярням загадалі навесці парадак і ліквідаваць парушэнні.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі