У Херсоне падарвалі рэстаран, дзе часта абедаюць акупанты

У Херсоне адбыўся выбух у рэстаране Nostalgie, дзе часта абедалі чыноўнікі акупацыйнай адміністрацыі. Пра гэта расказаў старшыня Херсонскай абласной ваеннай адмністрацыі Генадзь Лагута.

"Сённяшні выбух кажа, што барацьба ні на секунду не спыніцца і Херсоншчына — гэта Украіна", — цытуе ягоныя словы hromadske.ua.

Паводле інфармацыі Лагуты, пры выбуху былі параненыя людзі, якія знаходзіліся ў рэстаране. Хто менавіта пацярпеў, Лагута не ўдакладніў. Аднак загінулых няма.

У расійскіх СМІ паведамлялася, што ў выніку выбуху лёгкае раненне атрымаў афіцыянт.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.