У Ганцавіцкім раёне палякі лавілі птушак, заплацілі за кожную па 200 еўра

Па 200 еўра за кожнага цецярука, адлоўленага днямі ў лясах Ганцаўшчыны, заплаціў польскі лясгас з Новай Дэбы. Палякі лавілі птушак разам са сваімі беларускімі калегамі.  Як гаворыць спецыяліст гаспадаркі Аляксандр Занька, былі злоўленыя 4 цецярукі, якіх ужо павезлі ў Польшчу, каб “папоўніць там папуляцыю гэтых птушак”.

Паводле словаў аднаго з працаўнікоў прыроднаахоўнага ведамства, міграцыя не нанясе ніякай шкоды. “У нашай мясцовасці іх шмат”, - сказаў ён.

Алесь Літоўчык, Еўрарадыё, Ганцавічы