У Брэсце аўтобус збіў дзвюх жанчын, іх шпіталізавалі (фота)

У Брэсце гарадскі пасажырскі аўтобус збіў дзвюх жанчын, іх шпіталізавалі ў абласную бальніцу. Здарэнне адбылося ў панядзелак каля 13.40 на бульвары Шаўчэнкі. Як інфармуе прэс-служба ДАІ Брэсцкай вобласці, паводле папярэдняй інфармацыі, пацярпелыя пераходзілі вуліцу па рэгуляваным пешаходным пераходзе. У іх траўмы рознай ступені цяжкасці. Аўтобусам МАЗ кіраваў 47-гадовы мужчына. ДАІ праводзіць праверку.