Сёння ў Бабруйску абвесцяць прысуд па справе аб забойстве дзвюх дзяўчат

Жорсткае двайное забойства ў Бабруйску адбылося 20 ліпеня мінулага года. У кавярні мужчына, які раней меў праблемы з законам, пазнаёміўся з дзяўчатамі ва ўзросце 26 і 27 гадоў, запрасіў іх да сябе ў кватэру. Там у іх адбылася канфліктная сітуацыя. Дзяўчаты зачыніліся ў ванным пакоі, адна з іх патэлефанавала ў міліцыю, але не назвала дакладны адрас. Калі праваахоўнікі з'явіліся ў кватэры, то знайшлі дзяўчат забітымі. Асіповічу выставілі абвінавачанне па артыкуле "забойства двух і больш асобаў, здзейсненае з асаблівай жорсткасцю". Прысуд будзе абвешчаны ў судзе Бабруйскага раёна і горада Бабруйска а 15-й гадзіне.