Сям'я Цапкалаў прыме ўдзел у кангрэсе, які ладзіць Офіс Ціханоўскай
Валерый і Вераніка Цапкалы атрымалі ад Офіса Святланы Ціханоўскай запрашэнне прыняць удзел у Кангрэсе Новай Беларусі. І прынялі яго.
"Грамадзяне Беларусі ўвесь час пытаюцца, чаму мы не разам. На Кангрэсе мы спадзяемся атрымаць адказ і на гэтае пытанне. Праз два гады прыйшоў час паглядзець адно аднаму ў вочы і шчыра сказаць, што ж насамрэч адбываецца", — каментуе Валерый Цапкала.
Кангрэс Новай Беларусі пройдзе ў Вільні на пачатку жніўня.
