Вы тут

Сума трансфера футбаліста салігорскага "Шахцёра" склала 1,5 млн еўра

Дэмбо Дарбо / fcshakhter.by

Нападаючы салігорскага "Шахцёра" Дэмбо Дарбо працягне кар'еру ў клубе "Аль-Наср" з Аб'яднаных Арабскіх Эміратаў. Як паведамляе прэс-служба "гарнякоў", сума трансфера футбаліста склала 1,5 млн еўра плюс 20% ад сумы будучага яго перапродажу. Дарбо ўжо прайшоў медагляд і падпісаў асабісты кантракт.

Дэмбо Дарбо — гамбійскі футбаліст. Яму 23 гады. У беларускім чэмпіянаце ён правёў два сезоны, забіў 24 галы.

Мяркуецца, што на розніцы паміж коштам пакупкі і продажу "Шахцёр" заробіць каля мільёна еўра.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.