Спецназ Гвінеі арыштаваў прэзідэнта, які кіраваў 10 гадоў, у выніку перавароту
Арыштаваны прэзідэнт у атачэнні спецназа / РИА Новости
Прэзідэнт Гвінеі Альфа Кондэ затрыманы сіламі спецназа пад кіраўніцтвам палкоўніка Мамады Думбуя, паведамляюць сусветныя СМІ.
Акрамя таго, спецназ арыштаваў шэраг высокапастаўленых службовых асобаў краіны.
Кіраўнік ваенных заявіў у відэазвароце аб роспуску ўрада, адмене канстытуцыі і закрыцці межаў краіны.
Як паведамляла раней "Еўрарадыё", у сталіцы афрыканскай рэспублікі Гвінеі, Канакры, адбыўся дзяржаўны пераварот. Захоплены спецназам Кондэ кіраваў краінай з 2010 года, грамадзяне неаднаразова выступалі супраць яго з пратэстамі.
