Што ўратуе легітымнасць Ціханоўскай — эфір са Шрайбманам
Ад жніўня 2020 года прайшло два гады, а чаканай і абяцанай перамогі над лукашэнкаўскім рэжымам усё няма. Тыя, хто быў вымушаны з’ехаць з краіны, так і не маюць магчымасці вярнуцца, а тыя, хто застаўся, — жыве пад ціскам няспынных рэпрэсій. Гэта прыводзіць да росту незадаволенасці і пошукаў вінаватых у адсутнасці перамогі. І такія вінаватыя дастаткова хутка былі знойдзеныя: Святлана Ціханоўская, Франак Вячорка, увесь Офіс цалкам…
Якія мэты пераследуюць крытыкі Ціханоўскай і ці можа яна падзяліцца з імі сваёй легітымнасцю? Ці патрэбны Ціханоўскай свой Чэрчыль і хто ім можа стаць? Як далёка гатовы зайсці Лукашэнка ў пашырэнні рэпрэсій і пры чым тут Крэмль і вайна ва Украіне? На гэтыя ды іншыя пытанні адказвае палітычны аглядальнік Арцём Шрайбман.
